咩係『肝鬱』?
其實全寫應該係肝氣鬱結，代表肝嘅氣唔肯郁。
中醫認為本身肝氣應該好暢通咁「流動」，不過有啲壞習慣會令肝氣停滯喺度，就係所謂嘅肝鬱。
肝鬱嘅原因
‣ 鍾意諗野
‣ 壓力大
‣ 缺乏運動
肝鬱嘅症狀
‣ 情緒低落、煩燥、容易緊張焦慮
‣ 經常嘆氣、脅痛、胸脹（尤其月經前）
‣ 失眠、多夢
‣ 月經失調
如果你有以上嘅特質同症狀，咁你肝鬱嘅機會都幾大。
對自己嘅體質有所懷疑，建議你揾翻註冊中醫師！
如果你確定自己屬於「肝鬱」體質，平時可以做啲咩去改善？
‣ 做運動 - 簡單到臨瞓前拉下筋、飯後散下步都有幫助
‣ 飲薄荷茶、花茶 - 常見嘅花茶包括玫瑰花茶、菊花茶、茉莉花茶等
‣ 穴位 - 小腿同腳背都有疏肝嘅穴位，分別係中都同太沖
撰文：李亦寧中醫
Comentários