喺中醫角度，飲啖水都會肥呢樣野係有可能發生嘅。
水都消化唔到？
我哋飲一杯水之後，需要經過肺、脾、腎三個臟腑嘅功能，水份先會被傳輸、吸收、同埋排出體外。
如果呢三個臟腑出現問題，水液傳輸受阻，就會停留喺身體局部位置，造成飲啖水都肥嘅結果。
咁點解依三個臟腑會出現問題？
依三個臟腑最容易俾寒邪影響，所以經常吹冷氣、進食生冷（🥗食沙律食菜減肥嗰啲呢！）、着短裙短褲等，都有可能令依三個臟腑出現問題。
如果你屬於飲啖水都肥嘅體質，請審視一下你嘅減肥方法，又或者揾個中醫開下藥，改變下個體質吧～
撰文：李亦寧中醫
Comments