其實喺中醫角度，並冇一點前瞓可以護肝嘅概念。
「日出而作，日入而息」
人基本上應該跟隨太陽而活動，所以太陽落山後就可以瞓覺，並且越早越好。所以所謂嘅一點前瞓就好養生其實唔啱㗎。
咁點解會出現「一點前瞓覺對肝好」依個都市傳說 ?
中醫有個理論叫「經絡子午流注」，入面包含咗『一點行肝經』依個廣為人知嘅概念。根據依個理論，每個時辰都有一條經絡嘅氣特別旺盛，亦因爲咁，所以一啲好難醫嘅病就可以趁天時地利人和嘅時候進行治療。「子午流注」本身係治療嘅手段，只係後來俾人攞咗嚟做養生gimmick啫。
撰文：李亦寧中醫師
Comments